影片
更多
2012-04-01
180 瀏覽
早前係團購網買左幾張尖沙咀山林道吃喝玩樂現金券, 琴晚女友預早同我慶祝生日, 就諗住用下d現金券, 係山林道某某糖水店換左d券後, 行左一陣揀下去邊一間食晚飯. 本來想食日本菜,不過問左幾間用coupon 原來要預早一日book 位, 有d餐廳就星期五六日唔用得, 行到去Steak express門口,入面有個女子(應該係店裡比較話得事既一個)就走出黎門口, 我地就問下佢今晚可唔可以用coupon, 佢話無問題, 於是我地就揀左呢間. 入到去坐低,太約係八點鐘, 客人唔多, 連埋我只有兩台客, 成間餐廳有10張台到. , 廚房近門口位置, 半開放式, 可以隔住玻璃望到入面. 間餐廳眼見只有三個職員 , 一個後生既男侍應, 一個應該係話事人既女子, 同埋一個係廚房負責煮野食既廚師, 聽個女仔講, 間鋪開左三星期到. 坐低左睇下menu , 呢間餐廳主要係食牛排, 價錢由二百幾 到六百幾不等. 另外仲有十多款生蠔. 而去到menu 最後一頁, 有一張" Special Dinner Set Menu" ..呢個dinner set 包一杯house wine , 法國麵包, 南瓜湯/雜
入到去坐低,太約係八點鐘, 客人唔多, 連埋我只有兩台客, 成間餐廳有10張台到.
, 廚房近門口位置, 半開放式, 可以隔住玻璃望到入面. 間餐廳眼見只有三個職員 , 一個後生既男侍應, 一個應該係話事人既女子, 同埋一個係廚房負責煮野食既廚師, 聽個女仔講, 間鋪開左三星期到. 坐低左睇下menu , 呢間餐廳主要係食牛排, 價錢由二百幾 到六百幾不等. 另外仲有十多款生蠔. 而去到menu 最後一頁, 有一張" Special Dinner Set Menu" ..呢個dinner set 包一杯house wine , 法國麵包, 南瓜湯/雜菜湯或田園沙拉, 主菜係羊架 或 6 oz 牛排 , 加埋甜品 . 價錢原價$422 , 特價 $298 覺得呢個set 都唔錯, 正係到研究食咩既時候, 剛才個女仔就走過黎話我地知,個 dinner set 係星期五六日係暫停. 心諗唔係嘛, 第一, 如果今日唔做set, 就唔好放張menu 係到啦, 第二, 睇勻成張紙, 都無講只係星期一至四先用得. 不過算啦, 唔食set 唔緊要, 反正中午先食左個semi buffer, 我同女友都唔係好肚餓, 決定揀一件10oz 肉眼, 再加一個意粉share , 另外再叫多杯house wine.
幫我地落order 既係一個二十多歲既男仔, 我地落完order, 轉頭佢又走返黎同我地講, 老板話今日都可以做到個 special dinner set .不過原本個6oz 牛排就今日唔做啦, 要轉另一種牛排, 價錢就唔係 $298啦, 而係個set dinner 既原價減一百, 羊架就可以超舊價無問題. 當時我覺得老板可能見客人少, 又見我地望左個set menu 咁耐, 就醒我地可以食set 啦, 我問左個男waiter 兩次, 如果揀牛係咁等如$422-$100 = $322,個 waiter 都話係, 我同女友見價錢都ok.. 於是就轉左做兩個dinner set , 一個食羊架, 一個食牛排.
首先送上兩杯house wine 紅酒, 我唔係好識分好唔好味, 我覺得易入口, 味道可以, 女友就覺得味道淡左d.
等左一陣南瓜湯就送到. 賣相唔錯, 南瓜味都幾重.
跟住就到法國麵包 , 外表覺得似pizza 多d, 不過食落就焗得好香口, 好脆.
飲完湯同食完麵包, 等左一陣就到主菜啦.
首先講下塊牛排, 我地order 五成熟, 煎出黎既剛剛好, 切開中間唔會太熟, 又唔會太多血水, 肉質鬆化, 不過牛肉味幾乎被調味料蓋過, 而且有d偏鹹. 而羊架味道唔錯 , 賣相都唔錯, 值得一試. 我地亦都試左佢地既芥辣同薄荷醬, 芥辣醬佢地似乎用左係中式酒樓點燒腩仔果d, 醋酸過多, 薄荷醬就係薄荷+香草mix 埋, 唔係Jelly ..
食完main course... 就見到個後生侍應係廚房, 手"渣"住個gas 火槍, 我同女友估甜品應該係焦糖燉蛋. 我地果然無估錯, 個後生侍應跟手就由廚房送上甜品. 佢地既焦糖燉蛋同出面果d有d唔同, 就係係糖面加左檸檬汁( 我果杯仲有粒新鮮既檸檬核附送). 食果時唔會覺得`太甜, 味道幾fresh.. 但係d蛋就over 左, 老左d.
題外話/補充資料：
食完餐飯, 味道基本上ok..服務就一般, 可能個侍應太新無咩經驗, 唔多識客人既需要, 例如上左湯又唔識問下要唔要黑胡椒. 上完main course, 放低左個碟後就啦啦臨就左去, 唔識問下客人要唔要d芥辣同薄荷. 原本都諗住會再幫襯, 因為買左d cash coupon , 兩個人每次可以用兩張, 不過係埋單時就令到我同女友一肚氣.
我地order 左兩個set.. 總數應該係$298+$322 再加一. 應該係$682. 不過埋單果時要$908 .我地覺得好奇, 點解個價錢相差兩百幾 ?
個後生侍應就話, 我個牛排set 原來係要$298加多牛排既原價減一百, 佢幫我落左我之前散叫既肉眼, 即係$298-$100. 同佢之前解釋完全唔同, 我落order前已經兩次問佢係咪個set 既原價減一百 , $322 , 佢都話係, 到埋單時佢就話唔係咁計, 當時再問佢係咪佢就唔出聲 .另外, 加一亦都唔係總消費既10%, 佢個計法係個set dinner原價$422 既10%, 即係成餐飯要 $298x 2 [兩個set ] + $298-$100 [ 轉牛排] + $42x2 + $19 [加一服務費] =$908 .無啦啦要我比多兩百幾. 僵持左一陣, 個後生侍應企左係度粒聲唔出, 又唔肯認自己之前講個既說話, 我地就叫個女子話事人埋黎, 個女子一黎到就重覆講左多一次個計法我聽, 我當然明白佢個計法啦, 我同個女子講, 係個後生侍應講錯我地知個計法, 個女子居然叫個後生侍應由頭講多次佢自己當時點同我地講, 佢自己就走開左去整其他野. 個後生侍應當然係講返同一堆說話, 我同女友就好無耐咁坐係到, 個後生侍應繼續唔出聲咁企係度.
過左幾分鐘, 個後生侍應都係無反應, 我同女友又再叫多次個女子埋黎, 睇下可以點settle down 件事. 我同佢講個計法一d都唔make sense.. 個set $298, 唔計個main course減左一百,即係要$198. 即係話$198價錢 係包括$68 既 house wine, 兩件麵包, 南瓜湯同埋個甜品. 咁同散叫有咩分別, 做set 唔係應該平過散叫咩? 佢居然同我講, 如果我想, 佢可以同我當散叫咁計,然後打個9折比我. 我真係比佢個提議激個"碑"一聲. 我同女友發覺再同佢地講咩都唔會settle 到件事, 最後都係照俾$908, 不過我就black list 呢間餐廳, 原本諗住用coupon可以抵d, 最後都係蝕左. 埋完單走, 成間餐廳都無人同我地say sorry.. 咁樣既服務態度都有...
(以上食評乃用戶個人意見 , 並不代表OpenRice之觀點。)
張貼
