潮興魚蛋粉 (已結業)

今日唔係好肚餓，食碗麵就當午餐。去咗潮興因為啲麵算係唔錯，我們要了三碗麵，另外加了一碟芥蘭。夾了兩條菜後發覺下面啲又爛又有窿，我老公同阿姐講話唔要，但阿姐話食過冇得退，佢同老闆講，老闆話換一碟，但如果再唔啱就叫我地自己去淥喎！老闆話佢地唔會賣爛菜，我話要攞番碟菜影相，阿姐話已經掉咗，毁屍滅跡，冇哂證據！最後我錢照俾，菜就冇換到，當買個教訓！老實講佢地啲麵係唔錯，價錢算係合理，但俾啲咁嘅菜人食，仲要咁嘅待客態度，我就不敢恭維。