影片
更多
2017-09-27
1097 瀏覽
話說好耐都無食過pizza box，近期好想再食下，因為以前食過好食而且好抵，但老婆一直都唔想試，因為佢聽聞身邊既人好多負評，我就極力要試，爭持之下老婆就陪我一試，跟住由下午開始已經研究餐單，選了$118套餐，由16:00經網上點餐20:30自取，點餐後系統話會有店員致電我確認，結果到19:30都無電話收到，為了今晚晚餐怕有差池，跟住打電話去確認一下，結果服務員話電腦系統有問題，要check下先，當時19:45話等回覆，當時已心知不妙，想取消叫另一間，但又怕人哋已做好，唔想失信於人，唯有等一陣，到大約20:00打黎回覆話收到我將訂單，我可以如期20:30去自取，跟住就鬆一口氣今晚晚餐有著落了，跟住準備開車出發由西貢去坑口村，20:30我準時到，精彩戲肉來了，入到店話訂咗餐自取，比埋錢，之後見其中一個店員去攞兩個碗舀湯，當時我心諗佢地真係細心，怕啲湯凍等客人到咗先舀，跟住個店員話湯賣哂，個經理就叫我轉其他嘢，我話吓，落單嗰陣你無講既，個經理話係呀賣哂，轉其他嘢，一係沙律，一係汽水，無其他嘢，嗰一刻覺得好似比人局我咁，20:00嗰時覆我話有，跟住個店員走埋黎講叫我下次早啲落單，我話我三點幾
問題一，究竟係電腦系統問題，定係漏單？
問題二，自取前半小時話訂單係有，但去到收埋錢先話無，局客比錢幫襯，係咪呢間公司既一貫作風？
問題三，呢間店既店員一啲唔好意思既態度都無，好似已經習慣哂求求其其處理咁
P.S. 以後都唔會再幫襯，忽然覺得另一間🍕hxt系統及食物做得好好
張貼