上海姑娘 (已結業)

今餐又係食到一肚火，首先個PR好唔掂，叫No. 又細聲(好似同自己講野)，個樣好似唔想做咁，真係欠打咁。之後叫埋野食，都唔給我們茶，又要講那句:"唔加.......茶?" 門口有條女第一次己唔醒水，到我們叫佢，又要扮晒唔好意思，但都係無比，一個人懵唔懵真係有樣睇。我們叫了上海小籠包(這個最好食，好多汁)$26、鍋貼$26、銀芽炒鱔糊$78、恒香棧招牌炒河$35、瑤柱竹笙扒時菜$75，上海姑娘的菜又貴又細碟，恒香棧較抵食，但碟炒河竟然上面有血淋淋的豬肝，suki佢話好嗅，即時令我們食慾大減。好在我們有恒生咭半價，如果唔係食真係嘔血。埋單時個男人自己唔問我們有無恒生咭，佢拿完張單過來，先知我們有咭，勁無禮貌咁掉左張單去隔離張枱度就走左去，之後佢走左十世都唔返黎，真係想搵佢地經理續個插，但我地諗成間野都無個似樣，可能經理都係咁。唔係半價真係嘔血。