影片
更多
2009-02-20
6 瀏覽
十二月五日, 呢頭終於有新食店開張可以畀我哋去試吓,本來都抱住幾大期望, 點知一坐底, 見到啲餐具就唔開胃...無論啲餐碟、豉油碟、筷子, 定係個茶杯, 全部都好似未洗乾淨咁......全部都有好多油跡喺度呀!! 真係忍唔住要影底佢! 嘩! 呢間嘢有冇再離譜啲呀!!我哋當然頂啲餐具唔順啦! 叫個人埋嚟幫我哋換晒啲杯佢, 啲職員既面口仲好似唔多鍾意咁, 見我仲拎住隻杯係咁望, 個職員竟然話 :「你畀我先啦!」跟住又聽到個經理行埋嚟叫個職員 :「畀過啲洗過既杯佢哋啦!」嘩................. 呢間嘢真係... 坐又坐得唔多舒服, 真係有啲想走,但諗到唔食過啲嘢而寫食評既過會有啲唔公平, 所以決定點都食埋先走。佢十幾廿款午市套餐, 我哋大部份人都叫咗個唔同料既手打烏冬豬骨湯底加壽司套餐 ($38),個湯底唔掂, 又油又味精, 啲烏冬好普通, 雖然我知呢個價錢好平, 但啲質素唔係差到咁呀?!件壽司我揀咗辣汁三文魚, 等咗勁耐先嚟, 仲要幫我落錯單, 我話唔係要佢送嚟嗰款壽司, 其實同事都聽得好清楚我要乜嘢,但職員個樣仲好似覺得係我自己搞錯咁, 唉...等到差唔多食完成個麵呢兩件壽
本來都抱住幾大期望, 點知一坐底, 見到啲餐具就唔開胃...
無論啲餐碟、豉油碟、筷子, 定係個茶杯, 全部都好似未洗乾淨咁......
全部都有好多油跡喺度呀!! 真係忍唔住要影底佢! 嘩! 呢間嘢有冇再離譜啲呀!!
我哋當然頂啲餐具唔順啦! 叫個人埋嚟幫我哋換晒啲杯佢,
啲職員既面口仲好似唔多鍾意咁, 見我仲拎住隻杯係咁望, 個職員竟然話 :「你畀我先啦!」
跟住又聽到個經理行埋嚟叫個職員 :「畀過啲洗過既杯佢哋啦!」
嘩................. 呢間嘢真係... 坐又坐得唔多舒服, 真係有啲想走,
但諗到唔食過啲嘢而寫食評既過會有啲唔公平, 所以決定點都食埋先走。
佢十幾廿款午市套餐, 我哋大部份人都叫咗個唔同料既手打烏冬豬骨湯底加壽司套餐 ($38),
個湯底唔掂, 又油又味精, 啲烏冬好普通, 雖然我知呢個價錢好平, 但啲質素唔係差到咁呀?!
件壽司我揀咗辣汁三文魚, 等咗勁耐先嚟, 仲要幫我落錯單,
我話唔係要佢送嚟嗰款壽司, 其實同事都聽得好清楚我要乜嘢,
但職員個樣仲好似覺得係我自己搞錯咁, 唉...
等到差唔多食完成個麵呢兩件壽司先嚟到, 仲要啲辣汁係落喺面, 唔係溝落啲三文魚粒度架!
兩個同事既牛肉豬骨湯手打烏冬, 同事都話個湯好油好味精, 啲牛肉又多肥膏...
佢哋幾個都係叫三文魚壽司, 賣相都 OK, 食落普通喎~
另一個男同事既鰻魚飯套餐 ($32), 有個麵豉湯, 冇壽司跟,
男同事話個飯係凍既, 份量還可以, 麵豉湯都係唔夠熱, 味道普通。
以上都唔算最離譜, 最離譜係其實仲有位同事叫咗個豬軟骨手打烏冬餐,
點知個豬軟骨烏冬應該係漏咗單, 我哋一人吹咗一次, 都未整到個豬軟骨,
但又見其他遲過我哋落單既人有得食豬軟骨喎!!
吹到最後我個同事發晒脾氣, 決定唔食走人!
冇計啦! 加埋吹咗五次單, 我哋已經特登食慢啲就噃, 但都係乜都食完囉!
最後個經理行埋嚟係咁講唔好意思, 又話送噃兩碟壽司喎~
我哋冇要就埋單走啦! 大佬呀! 兩碟壽司? 餓咗成大半個鐘, 邊夠飽?
而且已經夠鐘要返上寫字樓, 仲邊得閒喺度食?!
唉! 呢間嘢真係估佢唔到可以由頭差到落尾差得咁離譜!!
仲要係喺銅鑼灣區新開張咗幾日都可以搞成咁!! 唔係平就有生意架!!
Anyway, 所有同事一致決定"冇下次"!!
更詳細資料及圖片請看 : http://hk.myblog.yahoo.com/joycewai616/article?mid=11653
張貼
