大少燒味茶餐廳 (已結業)

上次外賣半隻燒鵝麻麻地，試得唔夠真及徹底，收工專程黎到大埔搵大少，比次機會您啦！菜色都好多姿多彩，除主打燒味外，還有煲仔菜、蒸餸、小炒供應。仲有好多好多燒味未試、煲仔未試、小菜未試啊 ﹗您個肥佬師傅頂住個門口想點呢？唔想食客入黎幫襯咁款喎，係咪想我去第二間食先？居然要跟個阿叔搭檯真陰功，卡位張檯太窄太 close 喇，坐過一點費事面對面。內籠格局 local 地茂燒味檔，地方都幾寬闊光猛，客戶都係麻甩佬、街坊家庭、平民基層居多。燒豬骨黃瓜湯，雖然油但超好味呀，泛著濃濃雞肉及燒肉味道，大把下欄豬骨雞骨餚湯底，點會唔好飲呢 ﹗仲洗加味精咩，濃到黏嘴不得了。切雞髀燒肉飯，食客不多碟飯話咁快就到。鹽焗雞高質，肉質好正好滑好結實，身材好又無肥膏。皮光肉滑，薄薄雞皮蓋著雪白雞肉，一啜骨肉分離直墮舌頭之懷中 ﹗咸香不嗆不過份，散發淡淡雞甜味，好好食呢。白飯撈上香噴噴蔥油再搭載件靚雞直送入口，美味到拍案叫絕，滿分無得彈呀 ﹗師傅居然斬燒肉沙尼篤比我，真老友啊 ﹗啖啖肉開心死我依個食肉獸，又完全無肥膏。雖然不是化皮或脆皮，但肉質又棉又腍又滑溜，充滿肉汁閃令令，豬肉香跟咸香打得火熱非常甜美，混上蔥油白飯好