亞來街 (已結業)

今日12點幾係Pop Corn經，見亞來街有位，就入試試。原來坐底睇晒餐牌要自己出去落單同俾錢先。我見佢地d份量唔係太大，所以就叫多幾樣嚟試。海南雞半隻，雞肉都算滑，但無咩雞味，但配菜醃得好味。餐湯我唔太鍾意，有d苦味，但又唔似苦瓜湯。馬拉盞炒通菜，都好有鑊氣，菜也很嫩。越式春卷，春卷不太厚，都不錯。沙爹雞串燒，我覺得肉比較硬，個醬也不野味。海鮮喇沙，佢分開兩碗上，一碗是麵一碗是海鮮(包括有魚片，魚蛋，青口，蝦)，個湯底不是太濃，但都好味。咖央醬西多士，多士都厚，但咖央醬不夠。