越色牛肉粉餐廳 (已結業)

夜晚有時經過條登龍街，成日見到好多人喺呢度門外排隊，心諗，真係咁好食？點都要試一次先。尋晚嚟咗呢度食牛肉粉，再加迷你春卷扎肉撈檬B 蝦肉雞肉米紙卷及青檸梳打及鹹檸七各一杯（飲品半價）。牛肉粉既牛肉的確係幾滑，河粉屬幼身的，但不夠滑，口感一般，湯底色濃但味道普通，整體來說好一般。春卷扎肉撈檬及米紙卷都OK，飲品好大杯，鹹檸七比青檸梳打更好飲。環境及服務就一般啦，頗為逼狹，不過其實都預咗架啦，所以無期望無失望。