江川日式料理 (已結業)

今晚又係去食壽司...不過今次我去左試係謝裴道開張左一段時間既江川壽司...不過我覺得坐底都係感覺環境麻麻..可能入面太暗啦..我都係喜歡d光猛d既食店.一坐底即叫三文魚,蛋同劍魚壽司食先...睇件壽司就覺得麻麻地...好似好細件咁..不過原來味道都唔錯..特別係劍魚呀好鮮甜....見d壽司ok就叫左劍魚同油甘魚刺身啦, 再叫埋雞軟骨再叫左一客有甜蝦,帶子,海膽/魚子集於一飯團上既壽司...不過老實講味道麻麻海膽又唔多鮮,反而鰻魚同清涼帶子就ok.埋單時又用coupon引我...今次係送左2張送手卷既優惠券俾我...不過我都唔知幾時會再來食...佢味道都唔錯不過我都係喜歡峰壽司