影片
更多
2011-03-16
13 瀏覽
同事試過大喜慶話味道ok,咪約埋成班同事試吓囉,食過後,覺得味道大致上偏鹹,整體來講,表現中規中矩,菜式冇乜特別,味道不過不失,試一次已經足夠,冇乜嘢令人回味到要食多一次.講回味道方面,詳細介紹如下:口水雞,皮蛋味道細膩,雞肉算嫩滑,個汁辣辣哋,幾惹味.煎魚腸,蛋煎燶咗,食落有味,魚腸又腥,冇陳皮同胡椒香,而且好鹹,味道勁差.士多啤梨骨,聽講話係招牌菜,但食過後,感覺好失望,個汁冇乜士多啤梨味,同普通甜酸骨差唔多,腩骨過肥,食到成口油,整得唔太好.豆豉涼瓜炒魚柳,夠哂鑊氣,涼瓜爽口唔太苦,但魚柳肉質鬆散得來唔嫩滑,味道好一般.蓮藕炆鴨,蓮藕炆得太腍太粉,鴨肉係雪貨,冇乜鮮味,芡汁過鹹,味道嘛嘛.咖哩牛腩,個汁稀杰適中,冇乜椰味,但咖哩尚算香濃,薯仔煮得入味,質感軟硬適中,美中不足係牛腩偏嚡有渣,感覺差少少.本來想食羊腩煲,可惜當日冇得供應,所以叫咗個豆豉雞煲來食,可惜味道太鹹,冇乜豆豉香,雞肉唔嫩滑,整體好一般.頂抽焗魚頭,未食有期望,一食即失望,魚頭炸得過火,太乾身似柴皮,魚雲,魚肉當然唔會嫩滑啦!!況且味道又太鹹,對此菜好唔滿意.蠔皇蝦籽燜三菇,食唔出有蝦子香同味,菇肉爽口,不過
講回味道方面,詳細介紹如下:
口水雞,皮蛋味道細膩,雞肉算嫩滑,個汁辣辣哋,幾惹味.
煎魚腸,蛋煎燶咗,食落有味,魚腸又腥,冇陳皮同胡椒香,而且好鹹,味道勁差.
士多啤梨骨,聽講話係招牌菜,但食過後,感覺好失望,個汁冇乜士多啤梨味,同普通甜酸骨差唔多,腩骨過肥,食到成口油,整得唔太好.豆豉涼瓜炒魚柳,夠哂鑊氣,涼瓜爽口唔太苦,但魚柳肉質鬆散得來唔嫩滑,味道好一般.
蓮藕炆鴨,蓮藕炆得太腍太粉,鴨肉係雪貨,冇乜鮮味,芡汁過鹹,味道嘛嘛.
咖哩牛腩,個汁稀杰適中,冇乜椰味,但咖哩尚算香濃,薯仔煮得入味,質感軟硬適中,美中不足係牛腩偏嚡有渣,感覺差少少.本來想食羊腩煲,可惜當日冇得供應,所以叫咗個豆豉雞煲來食,可惜味道太鹹,冇乜豆豉香,雞肉唔嫩滑,整體好一般.
頂抽焗魚頭,未食有期望,一食即失望,魚頭炸得過火,太乾身似柴皮,魚雲,魚肉當然唔會嫩滑啦!!況且味道又太鹹,對此菜好唔滿意.
蠔皇蝦籽燜三菇,食唔出有蝦子香同味,菇肉爽口,不過芡汁過濃過鹹,味道一般.
麻婆豆腐,豆腐算嫩滑,個汁辣度適中,好惹味,送飯一流.白灼生菜,冇乜特別,勝在落嘅豉油同油唔太多,味道清清哋啱啱好.
紅豆沙好稀,紅豆量少同冇陳皮香,得個甜字,味道好差,就算係送,都要批評吓.
總括來講,未試過可以一試,試過嘅就永冇下次了.
張貼
