盈翠軒 (裝修中)

呢間嘢原來收費海鮮價，10月頭嘅$328/位去到12月頭嘅418蚊/位👎我10月尾打電話book11月中去食 , 職員表示$328/位優惠價已經做完喇，最新收緊$398/位，點知去到食之前兩日再打電話來確認訂座，職員表示收費已經調整去到$418/位😑食物方面有餐牌上面既8款食物任叫任食大閘蟹🦀全部二両半左右，有膏但無乜香味，值得一讚嘅係無死蟹，上蟹速度可以再快啲，可以唔需要客人三催四請先肯上蟹🤦‍♀️頂級蟹肉燕窩羹無燕窩，脆皮燒鵝皇皮唔脆，成碟燒鵝凍冰冰嘅👎 反而8頭鮑魚有驚喜，可以叫多兩碟回本👍😊其他食物方面不過不失，一般普通酒樓貨色， 不過絕對可以食飽你。