梅光軒 (已結業)

聽講過呢間拉麵店好好味，今日又係附近就黎踩踩點。我點左既係醬油叉燒拉麵，先講湯底，鹹度適中，唔太驚喜但都算唔錯。麵係曲麵，爽口陣牙，煮到恰到好處，就以麵同湯底係唔錯。不過呢...配料同叉燒就支撐唔到唔錯既麵底...先講叉燒，肉太瘦，入口感覺似煮得過耐既肉，好似食緊塊布咁...好失望。到筍... 講唔出評語，食左一啖就唔想再食。套餐裡既三顆餃子，煎得算脆口，但餡料唔夠好味，一般般。總結而言，算普通拉麵，麵同湯底係ok，但肉真係比較令人失望，但行過附近拉麵癮上黎都可以食黎止一止癮，但唔會好味到令人特登去食。