八喜 (已結業)

去完書展後差不多7點，行到腳都痛，想搵個地方座，附近 老麥爆到呢...想企都難。行遠D 就同個friend 行到呢間八喜試台灣菜呢度都唔係話太遠，不過天氣真係好熱，所以上去的時候係大汗疊細汗架。講番餐飯，叫左紅燒牛肉麵$30，肉燥飯$20，客家蒸芥菜，三杯雞$55，外加兩杯珍珠奶茶$24 (12x 2)。三杯雞幾好味，雖然唔可以稱得上台式原味，但係材料十足，用煲上，雞肉幾滑，幾入味，幾好。客家蒸芥菜，芥菜上面放左少少梅菜，味道就ok一般。紅燒牛肉麵 的味道同台灣食的味道差唔多，都係比較濃味，但係就冇咁辣，可惜麵的質地好似意粉，唉。肉燥飯唔錯，唔係太乾，甜左少少。最正的係小碟，蒸茄子。。。講真，都唔會expect集團式的店會好得去邊架喇，要俾茶同芥，不過都座得幾舒服，而且比起同集團的其他餐廳，價錢算是相宜。