牛霸小麵店 (已結業)

今日嚟咗食牛霸小麵店呢一間嘅位於灣仔嘅巷仔之中，我同朋友搵佢都搵咗段時間，不過好彩今日人少少，即刻有位坐。佢哋係用手機電子落單嘅我哋三個人嗌咗排骨滷肉飯，排骨肉操拌麵，同埋髯鬚雞關廟麵，仲嗌左奶茶同埋冬瓜茶飲。佢哋嘅上菜速度好快，話咁快就上咗嘢飲俾我哋，我今日嗌嘅奶茶我覺得味道好似台灣嘅感覺，至於我朋友嗌嘅冬瓜茶佢話仲好飲過出邊嘅台式飲料店！至於我哋嘅排骨，雖然炸好酥脆，但係我覺得佢調味重手咗少少，有啲鹹要食返飯同埋面去中和下，我朋友話關廟麵仲有少少淡口，如果有返少少調味咁就會好啲。舖頭裝修幾骨子最後竟然有意外驚喜，原來佢午市同晚市都有八五折優惠！ ！ ！