百樂門宴會廳 (已結業)

今日購物完之後，就直上十四樓去百樂門食飯，因為星期六出名全日半價。剛好中午等咗十五分鐘左右，店員就安排入坐。我一家三人坐四人檯，一入坐就俾店員攞走其中一張椅，説因為旁邊唔夠，話會轉頭再攞返俾我，可借椅子係一直沒有攞返嚟。我带有小朋友，正常係需要多一張椅子放背包等物品。结果叫經理搬返張椅俾我。之後再正準備用筆點菜時，居然俾店員隨手，冇問嘅情況下攞走支筆，只说旁邊要用，我去櫃檯再攞過俾你。。。令到我一下冇哂心情食飯。我完全唔理解為何店員唔直接出去攞支筆俾旁邊嘅客人，而係要喺我嘅枱上攞走支筆比旁邊嘅客人。。。之後我哋點咗一個 飯三個點心， 但係最後有一個甜品冇嚟到，而其中一個點心等咗20分鐘以上亦沒有到，之後再搵經理再吹，再等十分鐘先到， 结果前後等咗三十分鐘。我哋叫咗一個揚州炒飯，但係個炒飯令我覺得好失望， 除咗炒飯嘅外表唔得，味道亦都完全冇味。 豆沙鍋餅實在太油啦，我唔敢畀小朋友食，另外個蒸牛肉入面仲有啲紅色嘅未煮熟透。結果我哋對今次百樂門的感想只得一個差字，態度上有問題，時間上有問題，而且點心嘅味道亦都係唔足夠， 煮出嚟嘅嘢只係敷衍客人嘅味道，我相信我唔會再嚟。。。