牛一 (屯門市廣場1期) (已結業)

有朋友牛一(生日)就去左「牛一」食晚市90分鐘放題我地揀左最便宜嗰個火鍋—豚肉&美國牛肉。有多種味道嘅湯底，所有野都可以任食，包括豚肉，牛肉，配菜，飲品同yogurt。雖然係最平，但係肉質一啲都唔差，豚肉幾爽口，唔係太瘦亦唔會好靱，但可惜肉味不足；牛肉都幾淋，有一點兒肥d嘅牛肉作配搭，但同樣欠缺牛肉味。雖然豚肉與牛肉的肥瘦均勻，但欠缺色澤，有點暗啞大部分嘅食野味道都唔錯，但係配菜主要係得丸，唔係太多選擇，芝士丸同蟹粗籽丸味道唔錯，好多餡，但係有d丸味道有d怪。最好食嘅係yogurt，有幾種味道揀，仲有好多唔同配料可以放。Yogurt好滑，而且幾有奶香味，唔錯唔錯！