樂湯雞麵館 (白楊街) (已搬遷) 新店位置

一般的雞麵星期六同愛人出車去大角咀食呢間鋪頭，見喺面書都有推介過，所以去試吓。時間大約晚上8點幾，都叫做坐滿一半人，餐廳大約有六張枱，要同人搭台，因為大部份枱都係四人座位。愛人叫咗砂鍋雲吞雞刀削麵，我叫咗藥膳醉雞粉絲。砂鍋雲吞雞，計大約有六七件，唔算多。刀削麵份量算多，愛人話麵都幾好食。不過雞肉就一般，雲吞都好一般。藥膳雲吞雞粉絲，醉雞係另上既。醉雞過酒味勁重，飲咗一啖酒，即刻暖胃，不過雞肉一般，不嫩口。藥膳粉絲個味都ok，粉絲入味。不過個人就唔太鍾意呢個藥膳味。整體來講雞唔太好食，應該唔會有下一次。就算下次你都應該係食小食為主。