台軒 (麗豪酒店)

營業中

休息中

#搞串個pantry 今次繼續嚟到#沙田 住宅區搵嘢食😜，試吓一間台灣菜🍲。呢間舖頭坐得幾舒服💕，卡位係用梳化，不過座位唔算好多。今次嗌咗兩個套餐，分別係🔴鹽酥雞扒肉燥粗麵配肉鬆皮蛋豆腐($97)，同埋🔵牛肉粗麵配炸花枝丸($110)。鹽酥雞扒肉燥粗麵🌟🌟🌟鹽酥雞扒炸得好脆🔥，而且雞肉都算多汁🍗，幾好食！而佢嘅粗麵同刀削麵嘅口感相似，煮得夠軟，又有少少咬口，口感唔錯🤤。而且配合埋肉燥一齊食🤩，好有台灣風味。牛肉粗麵（加牛油）🌟🌟🌟牛肉煮得好腍，口感好好。但係就略嫌湯底唔夠牛嘅香味，不過每枱都有寫住「牛油」嘅調味料🤩，加兩三羹入去湯底，即刻好有油脂感同牛香味🐮，仲有一啲紅燒嘅辣味㖭🌶️。推薦任何嘅湯麵都一定要加牛油調味料落去！炸花枝丸🌟🌟🌟份量好少，只係得四件切半嘅花枝丸😖，即係總共兩粒。但係整得好食，加咗椒鹽嘅調味，令到炸花枝丸好香口🥳！肉鬆皮蛋豆腐🌟肉鬆同埋豆腐嘅配搭好夾💕，醬料嘅甜甜鹹鹹，肉鬆嘅香味，加埋豆腐嘅豆香味、甜味，加上豆腐嘅香滑😋，喺口入面好順口！而且皮蛋🥚本身已經好正。不過入面加咗好多芫荽，呢個就各有喜好，如果唔鍾意芫荽嘅朋友，會覺得好有草青味，同埋濃郁芫荽味🤯。