影片
更多
2008-09-22
18 瀏覽
小金魚份工有時需要輪班，所以有時星期六同日都要返工。難得有個星期六唔洗返，就比屋企人捉咗去飲早茶。9點幾上到去稻香，可能係星期六的關係，人唔多，即刻有位比我地(星期日的稻香人多到會叫人誤會係咪今日唔洗錢)早茶市d位擺得好密，有d"札"，坐得唔係好舒服，不過尚叫做可以接受到。(最緊要係坐你後面個個唔好"郁"嚟"郁"去，就會好好多)我地只得三個人，叫咗6個點心如下：刺蝟仔(3件HKD11.80)：其實係炸的奶黃饅頭，只係切成好似隻刺蝟仔咁(噱頭野，抄x星)，入面d奶黃好乾，好"痴"口，仲要小金魚係唔鐘意食奶黃的，所以全部"了"出嚟比魚媽媽同魚姊姊食，佢地都話好乾唔太好食。不過個外皮都幾熱辣辣，而且又唔係話好油淋淋~"算"蓉蒸鳳爪(大點)：百物滕貴呀，連鳳爪都要係大點呀，呢碟鳳爪數量都叫多，不過味道就差咗D，"算"蓉味太濃啦，我都係比較鐘意食橙色的鳳爪多D~(應該係用鼓汁蒸好食D)粟米花枝餅(3件HKD11.80)：呢個都幾好食，不過真係好油，如果唔係咁油淋淋的話就更好啦。叉燒腸粉(大點)：皮唔滑又無米香，而且D所謂叉燒似豬肉片多D，魚姊姊仲話應該叫豬肉腸，因為D叉燒一D都唔叉燒(雖然叉燒係
難得有個星期六唔洗返，就比屋企人捉咗去飲早茶。
9點幾上到去稻香，可能係星期六的關係，人唔多，即刻有位比我地(星期日的稻香人多到會叫人誤會係咪今日唔洗錢)
早茶市d位擺得好密，有d"札"，坐得唔係好舒服，不過尚叫做可以接受到。(最緊要係坐你後面個個唔好"郁"嚟"郁"去，就會好好多)
我地只得三個人，叫咗6個點心如下：
刺蝟仔(3件HKD11.80)：其實係炸的奶黃饅頭，只係切成好似隻刺蝟仔咁(噱頭野，抄x星)，入面d奶黃好乾，好"痴"口，仲要小金魚係唔鐘意食奶黃的，所以全部"了"出嚟比魚媽媽同魚姊姊食，佢地都話好乾唔太好食。不過個外皮都幾熱辣辣，而且又唔係話好油淋淋~
"算"蓉蒸鳳爪(大點)：百物滕貴呀，連鳳爪都要係大點呀，呢碟鳳爪數量都叫多，不過味道就差咗D，"算"蓉味太濃啦，我都係比較鐘意食橙色的鳳爪多D~(應該係用鼓汁蒸好食D)
粟米花枝餅(3件HKD11.80)：呢個都幾好食，不過真係好油，如果唔係咁油淋淋的話就更好啦。
叉燒腸粉(大點)：皮唔滑又無米香，而且D所謂叉燒似豬肉片多D，魚姊姊仲話應該叫豬肉腸，因為D叉燒一D都唔叉燒(雖然叉燒係用豬肉燒出嚟)。
蠔皇魚竹卷：呢個係魚媽媽的至愛，不過呢度係完全無味，食咗都唔知食咗D乜，不過魚媽媽鐘意食，所以次次都會叫。
"鐘"頭飯(特價)：我地叫咗鳯爪排骨飯，有2隻鳯爪同6件小小的排骨，份量OK~我地3個人每人都份都接近2匙飯，味道嘛~~一般啦~只能叫做唔難食。
3個人連茶錢都只係10X，唔算貴，但係食物的質素就"麻麻"地啦，我見佢仲有HKD1.00一個大飽(要九點前落單至有)，不過我目及到個SIZE好似個叉燒包咁上下，咁都可以叫大飽咩????
至於SERVICE方面，都叫做OK啦~不過有時沖茶就會叫至做，但係"吉"碟都會自動收。
稻香都係食火煱同小炒比較好，點心就麻麻地啦~~~
張貼