春水堂 (太古城中心)

營業中

休息中

同老公行吓街見攰，本來想坐低搵吓嘢食，點知行到去門口都有10個人排隊等入座，咁算啦我哋都係放棄，所以就叫咗杯珍珠奶茶飲下。點知，叫杯珍珠奶茶都要等20分鐘。既然未搵到嘢食，咁就邊搵邊等囉。珍珠奶茶。先講個size，係比平時飲開嗰啲連鎖式珍珠奶茶店細小小，冰粒係用碎冰，所以有時飲嗰陣都會飲到啲冰，同埋都溶得幾快。個茶底一般般，唔係特別香濃，奶味重左少少，所以就蓋過咗茶味，然後加上碎冰溶得快嘅關係，杯嘢就越飲越淡。