麵道 (已結業)

我對拉麵有一種著迷， 雖然唔係嗰種成日要食拉麵嘅拉麵痴， 但久唔久都要食拉麵，唔食嘅話會有一種唔滿足嘅感覺香港大部分嘅拉麵店都係豬骨湯底或者魚介湯底， 又或者另外一種沾麵， 用雞做湯底嘅拉麵比較少見， 但係亦都係我嘅最愛 心目中嘅第一位係灣仔嘅鳥X亭， 仲記得好幾年前第一次試食佢嘅拉麵之後， 我同我自己講， 我搵到心目中最鍾意嘅拉麵， 呢度就唔講佢嘅拉麵有幾好食啦 話說回頭用雞做湯底嘅拉麵， 畀我發現喺石門有一間拉麵店都有。麵道嘅拉麵有豬骨湯底或者雞湯底選擇， 話到明特別鍾意雞湯， 咁我就梗係選擇咗其中一款:雞叉燒雞白湯拉麵。 除咗話佢一般般之外都諗唔到其他評價 因為唔係特別難食，又唔覺得特別好食，食完最大嘅感受係:飽咗 不過佢午市有罐裝汽水送， 又幾好咁喎 不過假以時日，我應該會忘記我喺呢度曾經食過拉麵