eaaat. (V Walk) (已結業)

放工嚟南昌最近嘅新商場Vwalk行下街，商場都有唔少嘅食肆，不過連鎖店居多，見到呢間西餐裝修幾靚，枱面同埋餐具都非常之少女心，黎打卡一流！原來係fusion菜！-晚市有套餐，價錢都算OK， $78到$138不等。咁我哋就揀咗法式豬鞍同肉眼扒。-頭盤都好特別，係豆豉鯪魚沙律，同埋胡麻醬海蜇沙律。又估唔到豆豉鯪魚同沙律都可以幾夾。-見到一嚟嘅紫色湯都嚇咗一跳，原來係紫薯湯，我個人就麻麻哋啦。紫薯都係做返甜品好啲。-主菜嘅肉眼扒非常一般，質素同隔離嘅大家樂冇乜分別。豬鞍會比較好食，不過都係麻麻地。-最後仲有甜品，甜品係朱古力蛋糕，感覺似蛋糕店嘅清蛋糕加朱古力醬。-鋪頭嘅門面，裝修都睇得出有花心機，不過最重要嘅食物雖然叫做fusion菜，但係睇得出係眼高手低，雖然價錢唔貴，但係大家樂質素嘅嘢真係唔値呢個價錢。