一番日本料理

營業中

休息中

第一次試呢間一番日本料理，唔熟佢有啲咩食，企咗喺佢門口睇咗張餐單好耐先決定到食咩。最後就叫咗照燒雞排飯定食、汁炒金菇肥牛飯定食、京蔥拖羅茸壽司同埋鵝肝壽司。先講咗2件壽司先，我都未見過一舊壽司係咁大舊飯haha。京蔥拖羅茸壽司個賣相麻麻地，食落都係正正常常咁，無話覺得特別好食或者難食。件而鵝肝壽司，塊鵝肝整得太乾身，而且已經無咩肝油係上面，食落完全食唔出鵝肝本身既香味，係幾個菜式入面最失望既。定食方面其實照燒雞排飯定食同汁炒金菇肥牛飯定食既味道都係差唔多，個汁係好食既，但係相對就咸咗少少。照燒雞排既雞皮都有啲韌，肥牛就好似食緊香口膠咁。