上海姥姥 (馬鞍山廣場)

營業中

休息中

難得放假陪阿媽食晚飯，佢話想去上海姥姥食，次次經過見到都排長龍，應該唔會太差掛。我哋兩個都唔算大食，所以只叫咗四樣嘢。雪菜肉絲炒年糕不過不失，年糕煙煙銀銀，味道清清地都唔錯。招牌小籠包一上枱個賣相真係嚇親我，放到咁肉酸，好似叮叮食物咁，但食落口味道竟然唔錯，皮薄多汁，餡料鮮甜美味。干貝鮮魚魚肚豆腐羹味道唔錯，幾多魚肉，但係冇乜干貝味道。香煎素鵝唔點汁真係冇乜味道，媽咪話ok，但我個人來講就覺得唔多好食，我寧願食真嘅燒鵝。當日酸梅湯買一送一，埋單$241。價錢算OK，不過除咗小籠包之外，冇乜特別吸引。