豚道樂 (百合苑商場) (已結業)

今日兩個人又黎到九號水產買野，血拼中途太攰，需要食Ｄ野補給。見依度有位，所以入左黎依度，隨便食個拉麵先再行過。叫左一人一碗拉麵，因為我地中意食筍，所以再追加多左一人一份筍，務求食到盡興。拉麵一碗睇落都幾大，連埋配料陣容都幾鼎盛，食落份量真係唔少。可惜就係豬骨湯底比較油，味道一般，變左雖然大碗，但有種提唔起勁食來食去都仲有嘅感覺。麵質都同配料都OK的，醣心蛋唔錯。不過都係因為湯底麻麻，所以拉唔返起成個感覺，有改進的空間。