裕泰牛什越南河

營業中

休息中

早排在嵩記食過二次牛雜，味道唔錯可以連湯都飲埋，正所謂抵食又好味雖然境環麻麻地，今次就試下同在大埔道太子/深水埗段的裕泰。今日12時点半來到，見到没有太多食客，坐底就叫崩沙米粉，女伙計有禮貌話一早俾人買晒，失望之餘她推介牛三寶，就試下啦 , 仲加多碟芥蘭。牛三寶米來到都算大碗，牛根有4、5件但是偏淋顯然是炆了很久，毫無咬口，牛肚有4件，都是偏淋吃不出是新鮮牛雜貨色，失望對一間牛雜店而言，最後試埋牛腩，吃咗4舊都有渣，同枱對面阿伯更加吐到滿碟牛腩渣，可能無牙啦😥。唯一可取的是放在枱頭的辣椒油，味香辣得黎有味道。食肆環境整潔的，伙計招呼ok的，但大埔道還有其他兩間牛雜店，有得揀我就唔會再去裕興了，加上價錢貴過人！評分方面，環境、服務、衞生是三星，顯示乎合要求，扺食二星低於水平是因給嵩記和明興比下去但還是抵過其他區的，因喜歡吃牛腩和雜的人最注重食物質數和好吃程度多過其他因素，裕泰只能得劣評了。