影片
更多
2024-02-18
712 瀏覽
見呢間新開有65折黎試下，但質素認真一般，有65折嘅話算係啱啱好合格。環境都算迫，枱與枱之間好密，行起上黎拎住野要好小心，特別係張枱距離食物吧好遠，仲要好多時條路淨係夠一個人過，仲要小心d小朋友突然走出黎。食物方面，種類好多，熱熟食有好淡嘅蒸比目魚，海南雞，燒春雞，卡邦尼意粉，上湯娃娃菜，仲有即切片皮鴨等等，但大部分嘅味道都係一般，用料都唔算有咩亮點，片皮鴨切得好厚，好重羶味😅，和牛炒飯嘅和牛粒少到真係好難搵。整體感覺係你喺街唔會俾咁貴錢都食到嘅水平黎。湯有酥皮湯同茶樹菇燉湯，兩隻湯都算係正正常常，快餐店水平咁樣，值得推介嘅有要排隊拎嘅飛驒牛同牛肉壽喜燒，食入口充滿油香同有好濃嘅牛味。冷盤方面，基本上應該有嘅野都齊晒，龍蝦d肉同蟹腳都係得個乾字，完全稱唔上好食，感覺唔知急凍左幾耐咁。壽司大約有5至6款，但最記得係拎左舊鰻魚壽司，成舊鰻魚係鰻魚皮黎😅。飲品有果汁同酒同咖啡任斟，仲有調酒師間中推架車出黎，甜品款都一樣好多，另外有豆腐花同糯米滋，糯米滋算係ok好食嘅，但其他整體都係好一般，豆腐花唔滑。心太軟個到，食客可以即場入紙叫師傅寫字喺碟上面寫字，但兩碟個師傅都寫漏字。即時出爐嘅梳乎厘都
環境都算迫，枱與枱之間好密，行起上黎拎住野要好小心，特別係張枱距離食物吧好遠，仲要好多時條路淨係夠一個人過，仲要小心d小朋友突然走出黎。
食物方面，種類好多，熱熟食有好淡嘅蒸比目魚，海南雞，燒春雞，卡邦尼意粉，上湯娃娃菜，仲有即切片皮鴨等等，但大部分嘅味道都係一般，用料都唔算有咩亮點，片皮鴨切得好厚，好重羶味😅，和牛炒飯嘅和牛粒少到真係好難搵。整體感覺係你喺街唔會俾咁貴錢都食到嘅水平黎。湯有酥皮湯同茶樹菇燉湯，兩隻湯都算係正正常常，快餐店水平咁樣，值得推介嘅有要排隊拎嘅飛驒牛同牛肉壽喜燒，食入口充滿油香同有好濃嘅牛味。
冷盤方面，基本上應該有嘅野都齊晒，龍蝦d肉同蟹腳都係得個乾字，完全稱唔上好食，感覺唔知急凍左幾耐咁。壽司大約有5至6款，但最記得係拎左舊鰻魚壽司，成舊鰻魚係鰻魚皮黎😅。
飲品有果汁同酒同咖啡任斟，仲有調酒師間中推架車出黎，甜品款都一樣好多，另外有豆腐花同糯米滋，糯米滋算係ok好食嘅，但其他整體都係好一般，豆腐花唔滑。心太軟個到，食客可以即場入紙叫師傅寫字喺碟上面寫字，但兩碟個師傅都寫漏字。即時出爐嘅梳乎厘都好鬆軟，但略嫌太甜。
另外有樣野要提提，佢地補充碗碟嘅速度真係有d慢，有一牌壽司豉油碟完全冇晒都冇人refill，同埋都建議拎碟前望望乾唔乾淨，因為都有一部分係洗唔乾淨有d漬喺上面。最記得係後期refill左一批碟，隻隻上面都有成灘水，感覺唔多好。😰
成餐飯冇咩特別，所以都冇咩心機影相，整體黎講咁嘅價錢叫做合格，但如果收番正價真係唔會再諗住食呢間。
張貼