在乎茶餐廳

營業中

休息中

一個人由太子行過黎搵野食，見有間茶記幾多人下，就入去試試。叫左個快餐 魚香茄子飯$38有餐湯同飲品，價錢合理。不過餐湯同水差不多，飲左兩啖都放棄。奶茶還好。叫左少飯都好多飯，餸同飯分兩碟。魚香茄子汁就好多，不過略嫌唔夠惹味，亦都不太香口。而且入面既蔥段真係好大條，並唔係蔥花能夠增添香味既效果，有點格格不入。如果加少少辣味，味道應該會加少少分。可惜味道太普通，送飯效果亦一般。飯夠軟熟同熱，不錯。快餐仲有好多選擇，下次可以再戰。