德興茶餐廳 (已結業)

夜晚9點幾，因為想食腸粉就入左去食腸粉，不過呢度食物水準相對差參！1.蝦米腸🦐其實呢間餐廳經常黎食，佢啲腸粉好滑，幾唔錯👍不過果晚就晏咗，大概9點半，叫咗碟蝦米腸，有啲失望，因為啲腸粉太粉，有啲痴牙！估計係米漿唔夠，加多咗水，成個口感差晒😩所以建議如果要試就早少少去會好啲🙈2.蠔餅不過不失，入邊有唔少既蠔仔，蠔餅都炸得幾香口，味道都好夠，我自己就會覺得咸，但朋友就覺得啱啱好！所以真係每個人定義唔同🤣3. 牛腩麵好食，牛腩質素雖然一般，但價錢$36蚊，所以覺得咁既質素已經達標！麵都好彈牙，湯底夠濃，所以算唔錯4.炸魚皮爽口，卜卜脆🤣🤣🤣