日和号壽司料理 (已結業)

黎九龍灣行 IKEA 之後搵地方食晚飯，見到呢間地方闊落所以黎試吓，餐廳空間感十足，坐得好舒服，waiter 服務態度好好，不過食物就一般般啦。叫咗個刺身、拉麵、明太子玉子燒、燒冬菇、南瓜天婦羅、一口芝士同芝士魚餅。刺身都算新鮮，拉麵正正常常。一口芝士同芝士魚餅都好食！尤其個一口芝士，分量好足夠，咬落去脆卜卜，有濃厚芝士味 明太子玉子燒上面嘅明太子雖然多，可惜個玉子燒太熟，口感麻麻地。至於個冬菇，太亁喇，燒到冬菇謝咗咁。最嚴重係個南瓜天婦羅，厚粉過夏惠bb，完全唔知食緊乜.....總括而言，不過不失。下次黎 Megabox 會食第二間。