新巴黎越南餐廳 (已結業)

本人係好鐘意食東南亞食物，因為夠惹味🥳⭐️$40 香茅雞翼即叫即炸，所以夠脆！唔會話太厚粉，雞翼大大隻而且好夠肉汁！香茅味夠味，整體嚟講呢碟雞翼算係高質！⭐️$52 香葉辣肉碎飯呢個飯係我喺食泰菜/越南菜經常會嗌嘅食物。而且通常都唔錯。但係今次呢間就真係麻麻啦，啲飯過濕應該要乾返少少。另外肉碎方面一啲都唔香亦都唔辣，剩係得鹹味。整體來講呢碟飯我係失望嘅。⭐️$38酸辣鳳爪呢個有驚喜，首先佢夠凍。食呢啲開胃小食，我個人方面係比較鍾意比較凍食。因為有啲餐廳反而會唔夠凍有啲暖。鳳爪入味，夠酸夠辣。呢碟野我係食埋佢薦底嗰塊生菜🥬🤣🤣⭐️$45 香辣蝦米醬炒雜菜都係唔夠香唔夠辣甚至懷疑佢係冇落到蝦米醬去炒，因為淨係食到好普通嘅蒜蓉味。似係蒜蓉炒雜菜多啲！呢個真係不了，完全唔係嗰樣嘢！