東園酒家宴會廳 (已結業)

突然間好想食魚，唔好彩周圍幾間店都冇開週末午市，於是乎就去試吓呢間啦！例湯唔錯，足料老火燉盅，有齊鳳爪、雞碌、花膠、龍眼、淮山、枸杞、瘦肉等等，滿意嘅開場。浸菜心好快第二個上來，個樣就麻麻，但係食落口就幾爽脆，都算唔錯。條魚就等咗一陣先至有得食，但又唔係好熱，稍有欠缺。味道麻麻，泥味較重，蒸過籠咗些少，總體而言一般般。服務態度很好，幫我催條魚，又拎咗碗白飯來撈的魚汁，照顧得幾週到。地方寬敞，社交距離夠晒大。