敏華冰廳 (新都會廣場)

營業中

休息中

同朋友響葵芳做完嘢諗住搵個地方簡單食個下午茶，響地鐵站附近最方便唔係葵涌廣場就係新都會廣場，朋友想搵個地方坐得舒服啲，所以就去咗新都會廣場嗰邊搵嘢食，結果去咗敏華冰廳，好處係起碼下午茶唔使等位。我在叫咗個最基本嘅菠蘿油炒蛋，加杯紅豆冰。唔知係咪錯覺，好似菠蘿油以前裏面夠牛油大嚿啲，同埋可能下午茶唔係新鮮出爐，菠蘿包晏咗啲。炒蛋基本上都可以。杯紅豆冰好處就係花奶味好濃， P 冰亦都唔算太多對我嚟講啱啱好，但係有啲人可能會嫌佢少冰，紅豆相對份量唔算好多，不過都叫做可以接受。