The Luxe Seafood Bar & Resto (已結業)

嚟到旺角，諗住搵個地方坐吓食吓嘢，行到朗豪坊，就一路睇衫睇化妝品睇飾品，樣樣睇吓，轉吓轉吓就上咗12樓，見到間舖嘅外觀都唔錯，見有$98 tea buffet，咁就貢入去，入到去，無咩人，可能都係剛剛兩點半啦，不過都唔緊要，我都係諗住坐吓食啲嘢，但真係超失望，數埋都係得10多樣食物，仲要明顯哋係lunch buffet時段食剩的，例如有款類似燴雞腿，打開個盤，居然得番5舊乾爭爭嘅，仲要有層雞油薄膜響面。。我特登夾嚟食，味道其實都唔錯嘅，不過可能放得太耐了，乾到有啲鞋口。。至於炸物，超級難食！！！不值一提。。沙律吧就正常少少，味道都只係一般。。要數最好食嘅嘢，我覺得蜆肉意粉同甜品最好食。。蜆肉意粉炒得乾身，又帶啲辣味，好好味。。比我想像中好食。。甜品雖然得三款，但其中兩款我都俾高分數，朱古力蛋糕同類似蜂蜜蛋糕。。兩樣入口鬆軟。。讚。。另外一款入面係蘋果肉，面頭就有啲碎果仁同cream。。略甜。。。本人覺得一般。。不過呢間餐廳都有入座時間起計個半鐘要走，所以我覺得唔好，人哋第二間啲tea buffet邊有時段分架？？所以可一不可再。。。下次一定唔會再嚟。。