椰林越南菜館 (已結業)

有時行開尖沙咀想食碗越式湯河，都會去椰林，價錢相宜又好食。今晚同朋友八點幾喺尖沙咀搵食，又唔想食咁飽，又走去椰林。佢有晚市套餐，一碗湯粉加客小食同埋野飲，都係$65蚊起，抵食！我叫左碗香茅豬扒湯金邊粉，湯頭幾好，豬扒太薄太硬，唔知點解陣味好似食緊炭燒豬肉乾，冇咩香茅味，不過成碗粉都叫做可以。朋友叫左香茅雞扒湯河，似乎佢嗰碗好食啲，河粉唔會好油，雞扒較厚身，有咬口。兩個小食係敗筆，越式春燒係焾嘅，入面嘅餡亦少，皮多過餡，而且幾油。而蒸粉包味道就似粉果，仲要係好厚皮嘅粉果。比起以往經歷，我覺得餐廳退步左，同埋返到屋企好口渴。