影片
更多
2014-11-30
4336 瀏覽
想係尖沙咀同週邊地區搵到間超正韓國餐廳，試咗十幾間唔係好多，但只有三幾間較可取。今日又搵新嘢試。其實朝早個早餐等咗15分鐘又嚟錯飲品，我應該知道呢日食神擰歪面睇唔到我。叫咗個牛肋骨湯套餐。前菜4小碟－堅少，豆腐兩嚿仔、黑豆嗰碟數到得16粒、泡菜得兩塊、銀魚仔應該有廿條啩。豆腐正常味，黑豆太硬唔入味、泡菜不辛不辣唔知想點、銀魚仔正常。牛肋骨得3嚿好少肉黐住冇乜牛味，粉絲真係得一小箸。湯都係勁味精連蘿白甜都冇。就算唔肚餓但未至於食唔哂只因堅難食。個人食味精會敏感，依序鼻脹頭暈口渴眼睏頭頸背酸軟面敏感紅腫痕。呢間食咗好少，之後買咗支甜嘢解味精都頂唔順勁眼睏，食完之後3個鐘頭仲係好口渴。但餐廳有戶外座位環境幾好，啲韓國男侍應個樣唔錯，雖然有個掛住自己坐响度食水煙唔serve客，另一個又舉手好耐都睇唔到最後要大聲叫，但好肯比意見咩好食(雖然搞錯豬嘅英文係beef)，可能就係我冇叫佢啲推介食物所以唔好味啦﹏😵
今日又搵新嘢試。其實朝早個早餐等咗15分鐘又嚟錯飲品，我應該知道呢日食神擰歪面睇唔到我。
叫咗個牛肋骨湯套餐。
前菜4小碟－堅少，豆腐兩嚿仔、黑豆嗰碟數到得16粒、泡菜得兩塊、銀魚仔應該有廿條啩。豆腐正常味，黑豆太硬唔入味、泡菜不辛不辣唔知想點、銀魚仔正常。
牛肋骨得3嚿好少肉黐住冇乜牛味，粉絲真係得一小箸。湯都係勁味精連蘿白甜都冇。
就算唔肚餓但未至於食唔哂只因堅難食。個人食味精會敏感，依序鼻脹頭暈口渴眼睏頭頸背酸軟面敏感紅腫痕。呢間食咗好少，之後買咗支甜嘢解味精都頂唔順勁眼睏，食完之後3個鐘頭仲係好口渴。
但餐廳有戶外座位環境幾好，啲韓國男侍應個樣唔錯，雖然有個掛住自己坐响度食水煙唔serve客，另一個又舉手好耐都睇唔到最後要大聲叫，但好肯比意見咩好食(雖然搞錯豬嘅英文係beef)，可能就係我冇叫佢啲推介食物所以唔好味啦﹏😵
張貼
