外野手 (已結業)

最近約d觀塘friend食飯, 次次都係係apm食, 所以今次決定改去其他地方. 有朋友係open rice見到外野手好多人推介, 所以決定一試。魚生- 魚生既選擇唔算少, 但頭一round每件都好細,好薄, 我地都係每人叫一至兩件試下先, 我地眾人都覺得唔係咁新鮮，所以都唔係叫左好多。壽司亦係一般貨式, 無咩驚喜。不過就係手握既。燒物- 幾好食，燒青椒好鮮好甜。不過燒雞軟骨似炸雞軟骨多d, 好厚粉。一口牛, 唔韌不過有"穌"味。鍋物/煮物–我鍾意佢個雜菇鍋，白色既湯好鮮。其他雜菜牛肉鍋，辛辣魚鍋都唔係咁得。最難食–係個粥，都唔知咩味，食落似酸辣湯既味，好恐怖。同個waitress講佢重叫我地下次唔好浪費食物! 服務–整體黎講都唔錯，落order, 加茶, 收碟都好快手。總結- 我就唔係覺得非常抵，若果人多不如搵間日本餐廳食好過係到放題。若果得一兩丁既話亦可以一試。