灑家粥麵 (已結業)

做野做到晚飯時間，實在頂唔順，好肚餓，要出去食啲嘢鬆一鬆先！心想一個人簡單食碗麫就算，於是上嚟灑家，唔洗等嘛。平時同朋友食多數叫小菜或點心，一直未試過佢出名的粥麪，即管試試。諗咗一陣，決定叫個蜜汁叉燒伊麪。一邊期待住我碗面...終於到啦!叉燒完全冇蜜汁囉，舊叉燒又完全冇燒過嘅跡象!同我心目中嘅叉燒根本係兩樣嘢⋯呢一刻我真係好想告佢違反商品說明條例!!冇計照食啦...唔只菜都冇條，連韮皇都冇幾條⋯還好個伊面ok，唔會大冧，個湯都夠香,但份量偏少..一般般...