L'aLtro (已結業)

咁高檔嘅意大利餐廳，我有D不好意思攞部iPhone 出來映食物相，所以我今次沒有相片分享，只可用文字來形容。這餐廳係好寧靜（因不太多客）高格調，好適合靜靜地傾計、品嘗優質美食的地方。我朋友叫左支香檳，跟著我看看Menu， 係寫密密麻麻嘅意大利文及英文，好似英文小說咁麻，你望落已無心機看下去，只好請waiter 介紹，他求其講一兩句便算，問一句答一句，結果我便求其叫左個龍蝦海鮮湯（$298），及main dish（$428） 叫左唔知什麼什魚。先來一些 麵包仔、全部都不熱的，好似唔新鮮咁，連我咁鐘意食麵包的人，食左一口便不想吃了。Appetizer 係好鯹的魚仔，唔好食。我叫的main dish 個presentation 係幾靚嘅，好大隻碟，只有中間圓心位可裝食物（好似細日本碗圓用咁大），放左薯蓉及粒粒類似雪魚嘅魚，最重要係加左幾片黑松露，好香，但無味，D魚都好滑。我朋友叫左capaccino 湯，用個咖啡杯黎裝，都幾得意。及rissoto,見到她的食相，無乜特別，無表示，好食程度可想而知。因今餐是朋友請的、今晚價錢都不平，及先前食嘅嘢又不吸引、無特別，咁鐘意食甜品的我，也不願意再叫了