串串貢 (已結業)

深水埗好少午市火鍋所以試咗呢間，一入去冷氣都未開，亦開始西斜，曬度好熱。湯底要另比錢。湯底都好重味精味，味精味都預咗，但真係好重手，食到一半真係好鹹，係咁加水都唔掂，要係咁飲野飲。食完味精可以keep幾個鐘。串都多選擇，但調味好重，燙三秒係好食嘅。服務先係最令人不滿，啲插滿串的兜冇人黎收，要自助。唔識開冷氣。我地早咗十分鐘埋單，然後因為得一格女廁大家輪住去。佢地一收咗錢後係咁執格，但我地仲坐左係度。點解唔等我地走先執野？明明冇人等位，仲有幾多枱係吉。