春風撞奶舖 (已結業)

最近實在試左好多飲料店，見到春風撞奶舖個名都已經諗起同區飲品店春風三月，係佢地嘅新店。餐牌選擇唔多，共十款，有黑糖、冬瓜、仙草、咖啡、抹茶同三款水果：芒果、草莓、藍莓。價錢比起月頭已有明顯分別，定價$19-36。喺元朗晚飯前已經去過飲品店睇過，眼見有接近十幾廿人等緊、買緊，於是只好調一調，先去食晚飯再回頭。飯後人流明顯減少左，接仲有半個鐘就關門，買到最後嘅青蛙撞奶、珍奶，之後聽到店員話淨番冬瓜鮮奶同藍莓鮮奶黑糖青蛙撞奶 $29古早黑糖珍珠奶茶 $22等候時間約15分鐘，飲品用上圓碌碌杯，冰度、糖度固定。有冇做出杯邊老虎紋我就唔係太介意，只係拍照效果冇咁好而已。黑糖層稀薄偏少，黑糖鮮奶基本上完全冇奶味，黑糖味亦微乎其微，搞前搞後都冇一絲甜味，非常淡唔知係咪最初多人彈佢甜，調整完就變左冇甜味。至於珍珠奶茶嘅情況好啲，頭半杯有明顯茶味，甜度唔高，搞勻前後分別不大，黑糖味唔突出冰量偏多，珍珠已經唔多，仲俾啲冰堆到死死。珍珠有噍頭，唔算好有彈性，有幾粒仲未煮腍。