影片
更多
2022-07-11
290 瀏覽
又一間坐得好舒服好有私人空間嘅日本菜！位於中環嘅月山 ，其實係日本米芝蓮一星「日山」嘅姊妹店。一入門口就見到日式舟屋嘅裝潢，行入啲仲有落地玻璃！靠窗座位採光十足，景觀開揚。職員服務一流！會適時斟茶斟酒同換冰，留意客人嘅需要 ，詳細講解每一道菜式。午市定食$238起，有齊前菜、頭盤 、蒸物、主食、甜品。以中環黎講，景觀開揚，有私人空間，食物高質，性價比都算唔錯！(餐廳更設omakase呢~)🍴前菜、頭盤、蒸物🍷紅酒醋楊梅 酸甜多汁，淡淡酒香，非常開胃。🍄雜菇爽口，加上微酸嘅醬汁同樣開胃。旁邊嘅蘿蔔蓉幾得意喎~ 加入左柚子皮幾清香，但就帶些微苦澀。🦀松葉蟹肉茶碗蒸，蛋超滑之餘，蛋味好突出。配料就有蟹肉、蝦、菇、豆。雖說係松葉蟹肉茶碗蒸，但蟹肉嘅份量好似少左啲。🍴主食▪️燒日山A5和牛西冷 $558和牛西冷呈粉嫩嘅紅色，肉質超軟淋，油脂感重，多汁不失牛味，更帶焦香！飯採用越光米，口感煙韌，粒粒分明。旁邊有三款調味料，芝麻脆脆鹹香十足，生七味微辣帶麻，配牛配飯都一流。▪️特上金槍魚丼 $4384款金槍魚 分別係拖羅蓉、赤身、中拖羅 、大拖羅。赤身軟淋，魚味濃。中拖羅同大拖羅都無筋。大拖羅魚油脂香超
午市定食$238起，有齊前菜、頭盤 、蒸物、主食、甜品。以中環黎講，景觀開揚，有私人空間，食物高質，性價比都算唔錯！(餐廳更設omakase呢~)
🍴前菜、頭盤、蒸物
🍷紅酒醋楊梅 酸甜多汁，淡淡酒香，非常開胃。
🍄雜菇爽口，加上微酸嘅醬汁同樣開胃。旁邊嘅蘿蔔蓉幾得意喎~ 加入左柚子皮幾清香，但就帶些微苦澀。
🦀松葉蟹肉茶碗蒸，蛋超滑之餘，蛋味好突出。配料就有蟹肉、蝦、菇、豆。雖說係松葉蟹肉茶碗蒸，但蟹肉嘅份量好似少左啲。
🍴主食
▪️燒日山A5和牛西冷 $558
和牛西冷呈粉嫩嘅紅色，肉質超軟淋，油脂感重，多汁不失牛味，更帶焦香！飯採用越光米，口感煙韌，粒粒分明。旁邊有三款調味料，芝麻脆脆鹹香十足，生七味微辣帶麻，配牛配飯都一流。
▪️特上金槍魚丼 $438
4款金槍魚 分別係拖羅蓉、赤身、中拖羅 、大拖羅。赤身軟淋，魚味濃。中拖羅同大拖羅都無筋。大拖羅魚油脂香超突岀，用舌頭輕輕一壓即可，完全無需咀嚼。丼飯採用魚沼米，飯粒分明，帶黏性唔會好乾，醋味對我而言恰到好處。
🍴追加
▪️北海道雲丹金槍魚腩杯 +$138
海膽軟滑creamy完全唔腥，但就未到好鮮甜。餐廳選用嘅魚籽 皮相對平時嘅厚少少，更有口感。金鎗魚腩脂香突岀，底下仲有少少醋飯。全部刺身撈埋擺入口，好滿足呢
🍴甜品
黑糖mochi黑糖味濃郁！皮滑溜微煙韌。
卷蛋軟綿，忌廉甜度恰到好處。
張貼
