影片
更多
2021-12-13
405 瀏覽
開初揀呢間餐廳係源於一篇介紹日式烏冬嘅食評，但嚟到之後就發覺呢到唔止烏冬野，係所有野都勁正🤩絕對要放入encore list📜話說我地係預先book咗檯嘅，所以去到就直搗皇龍諗住confirm booking就坐低啦，點知門口路過嘅waiter竟然係講英文嘅！？心諗：大獲啦！咁d烏冬會唔會西化咗，好食極有限喎🤨（想知點解個waiter講英文？請耐心閱讀..）Anyway, 之後出黎帶位嘅waitress其實都係講廣東話嘅～佢問我地介唔介意坐吧枱，對於眼裏只有食物嘅我，梗係唔介意啦！而呢個決定，更深化咗我對呢間餐廳嘅愛💓吧枱位置嘅凳唔算特別高，即使我生得唔高，都唔會有吊住腳嘅感覺✌🏻而且坐吧枱有個好處就係可以望到師傅點樣預備食材、擺盆，都係一件賞心樂事😸重點係：我聽到師傅係講日文架❤️下一秒我聽到我隔離對couple都係講日文架！即刻好似飛左去日本咁🇯🇵而其實呢到除左師傅之外，有不少員工都係日本人～所以門口路過既waiter講英文🤨好欣賞日本人對每件事嘅認真！呢到成本 期間限定 嘅menu都係人手製作，每個字每條線都係人手寫嘅，但就工整到好似印出黎嘅一樣👍回到重點，由於我唔太肚餓，所次今次
話說我地係預先book咗檯嘅，所以去到就直搗皇龍諗住confirm booking就坐低啦，點知門口路過嘅waiter竟然係講英文嘅！？心諗：大獲啦！咁d烏冬會唔會西化咗，好食極有限喎🤨（想知點解個waiter講英文？請耐心閱讀..）
Anyway, 之後出黎帶位嘅waitress其實都係講廣東話嘅～佢問我地介唔介意坐吧枱，對於眼裏只有食物嘅我，梗係唔介意啦！而呢個決定，更深化咗我對呢間餐廳嘅愛💓
吧枱位置嘅凳唔算特別高，即使我生得唔高，都唔會有吊住腳嘅感覺✌🏻而且坐吧枱有個好處就係可以望到師傅點樣預備食材、擺盆，都係一件賞心樂事😸重點係：我聽到師傅係講日文架❤️下一秒我聽到我隔離對couple都係講日文架！即刻好似飛左去日本咁🇯🇵而其實呢到除左師傅之外，有不少員工都係日本人～所以門口路過既waiter講英文🤨
好欣賞日本人對每件事嘅認真！呢到成本 期間限定 嘅menu都係人手製作，每個字每條線都係人手寫嘅，但就工整到好似印出黎嘅一樣👍
回到重點，由於我唔太肚餓，所次今次我只係叫左4樣野：
1️⃣八爪魚意大利風沙律（$98）- 八爪魚切片上淋有沙律醋同調粉，什菜沙律則混有沙律醬。八爪魚唔算韌，屬於能夠輕易咬開嘅程度，建議可以卷埋沙律菜食，酸maymay，好開胃
2️⃣蟹肉味噌壽司（$58/2）- 與其叫佢做蟹肉壽司，不如改名做蟹膏蟹肉壽司！有別於一般嘅蟹肉壽司，佢並無用紫菜包住，而係改用一隻精緻嘅玻璃細碗，加上伴碟同金色小匙，成件藝術品咁，一上枱就已經震懾到我😏同時間佢呢個設計真係無得彈！可以避免咬唔開紫菜時被逼要成舊啪嘅機會，反之可以少少🤏少少咁細味品嘗！味噌份量唔算多，唔會太咸，可以輕輕蓋過蟹膏嘅腥味之餘，唔會蓋過蟹肉嘅鮮甜味，CP值超高！🤩
3️⃣雞白湯烏冬（$128）- 一如傳說，呢到嘅雞湯係超香濃！而烏冬係有別於我地香港人成日掛響口邊嘅讚歧烏冬嘅，佢係比較幼身，形同上海麵，但出乎預期嘅係佢嘅掛湯能力超高！唯一比較失色嘅係：雞肉比較淡味，可能因為佢已經將d味淆哂落湯🤨但配合碗內炒到淋嘅洋蔥，其實都尚算香口😋
4️⃣鰤魚壽司（$68/2）- 上文提到坐隔離嘅couple懷疑係師傅朋友/同鄉，成晚佢地都有傾有講，師傅有時仲會特製d好野俾佢地，睇到我流哂口水！所以師傅整咩俾佢食我都照跟🤪結果唔洗多講，一個字：鮮甜到爆呀～～～😆
張貼