影片
更多
2022-04-23
2273 瀏覽
甫入餐廳就已經感受到久違嘅日本氛圍...店員同店長一句正宗嘅「いらっしゃいませ」，電視播嘅日本綜藝節目仲有小栗旬添，旁邊坐住兩三檯日本家庭，成個氣氛都帶動對一陣嘅食物嘅期待感。店長廚師都係日本人，餐廳菜式有沖繩九州關西幾種風味，如果要每一樣細講應該有排打，講真我到第二日都回味緊呢餐係香港食嘅日本菜，我就精簡部份分享吓啦🅑🅔先講吓個刺身盛合先，入面印象最深嘅係白子，白子係鱈魚嘅精巢😂上年去東京嗰時都有食過，但原來10月尾開始嘅鱈魚白子最肥美，嘩入口一咬卜一吓好甜好嫩滑...(好似再形容落去會有啲💦💦😂)🅑🅔跟住到呢個明太子芝士玉子燒，真心啖啖口感豐富層次滿分，半溶嘅芝士伴隨住微辣嘅明太子俾個好juicy嘅玉子包住，嗰一啖係甜味同兩種咸味融合好正㗎！🅑🅔到嗰款牛腸鍋啦，我哋嗰檯係味噌湯底嘅，一開始上菜時湯底唔多，到滾到咁上吓牛腸油脂同蔬菜水份慢慢出嚟後湯底就多番啦，牛腸如你所見係半肥半腸咁，見到嗰吓都有丁丁唔敢嘅見佢咁肥，咁當然呢啲矜持都係過眼雲煙啫最後都食咗😂牛腸入口嗰吓係完全無我哋印象肉類油脂嗰種好有負擔嘅油味，佢係喺口腔度化開好淡淡然嘅香味就無咗，隨之而來已經係牛腸吸收嘅味噌味，精華
店員同店長一句正宗嘅「いらっしゃいませ」，電視播嘅日本綜藝節目仲有小栗旬添，旁邊坐住兩三檯日本家庭，成個氣氛都帶動對一陣嘅食物嘅期待感。
店長廚師都係日本人，餐廳菜式有沖繩九州關西幾種風味，如果要每一樣細講應該有排打，講真我到第二日都回味緊呢餐係香港食嘅日本菜，我就精簡部份分享吓啦
🅑🅔
先講吓個刺身盛合先，入面印象最深嘅係白子，白子係鱈魚嘅精巢😂上年去東京嗰時都有食過，但原來10月尾開始嘅鱈魚白子最肥美，嘩入口一咬卜一吓好甜好嫩滑...(好似再形容落去會有啲💦💦😂)
🅑🅔
跟住到呢個明太子芝士玉子燒，真心啖啖口感豐富層次滿分，半溶嘅芝士伴隨住微辣嘅明太子俾個好juicy嘅玉子包住，嗰一啖係甜味同兩種咸味融合好正㗎！
🅑🅔
到嗰款牛腸鍋啦，我哋嗰檯係味噌湯底嘅，一開始上菜時湯底唔多，到滾到咁上吓牛腸油脂同蔬菜水份慢慢出嚟後湯底就多番啦，牛腸如你所見係半肥半腸咁，見到嗰吓都有丁丁唔敢嘅見佢咁肥，咁當然呢啲矜持都係過眼雲煙啫最後都食咗😂牛腸入口嗰吓係完全無我哋印象肉類油脂嗰種好有負擔嘅油味，佢係喺口腔度化開好淡淡然嘅香味就無咗，隨之而來已經係牛腸吸收嘅味噌味，精華其實都溶哂喺湯底所以呢......就梗係加湯整個烏冬食埋就完美結束啦
張貼
