老虎堂黑糖專売 (渣甸街)

營業中

休息中

每次經過銅鑼灣都見到三間台式飲品店前堆滿晒人，開咗好一段日子，都仲係咁多人黎朝聖。雖然都係條長龍，已經比開張時好好多。平時冇飲開，但見大家都瘋狂洗版，都忍唔住要試吓！！揀咗中間嘅老虎堂，先排隊落單，叫咗杯招牌波霸厚鮮奶，落完單等拎野飲嘅地方都冇位企，要企係對面馬路，前後都要半個鐘先拎到杯波霸厚鮮奶！！黑糖味好夠！甜度對我黎講都係偏高，但飲開台飲嘅巴絲打們應該啱啱好！珍珠size細粒幾好，奶味好重。對我黎講，都係傳統珍珠奶茶半糖啱口味多啲。