饗和民 (東薈城) (已結業)

有多款2人餐：匯豐卡有折，尾2平個餐好抵食，可惜我同朋友都無，又唔太餓，所以叫左最平個餐。套餐已經包括沙律，三文魚，大阪燒，壽喜燒邊爐+烏冬，連飲品及甜品。本人認為沙律配三色椒係錯配大阪燒係全晚既一大亮點，好多椰菜，個汁好好味三文魚配洋蔥黑椒檸檬汁係十分開胃既頭盤，比起沙律好一百萬倍！甜品好特別同別致，全部都唔係好夾得埋但算頗為清新。壽喜燒邊爐+烏冬，一坐低就開火上左個鍋，非常唔貼心。連飲品；加左錢要熱清酒，水一樣的味道。