影片
更多
2019-08-25
887 瀏覽
趁呢晚早放學，同兩個同學一齊喺附近食埋飯先返屋企，平時經過炮台山港鐵站都有留意到對面有間茶餐廳，同學話上次食過好唔錯，係非一般茶餐廳值得試試。我地三個女仔一人揀咗個餸再揀個粉💁🏻♀️⭐️金磚脆豆腐 $68全部細細粒，一口一粒好過癮，豆腐外皮酥脆，內裡水潤幼嫩，好滑👍🏻而且豆腐粒炸後有隔好油，表面全沒有多餘油份，乾身唔油膩。豆腐粒面頭仲有炸蒜同黑芝麻，食落更香口🤤⭐️三弄脆皮鹹豬手 $148$148冇諗過份量咁多，睇見都覺得抵食！呢隻豬手好好食！真係一試便愛上🥰外皮非常酥脆，做到似燒肉嘅脆皮，香口得嚟唔油膩唔痴牙，又脆又鬆化！肉質唔鞋唔韌，保持細嫩，而且鹹香十足，好入味。⭐️XO醬茄子牛仔骨煲 $95未上枱已經聞到香氣十足嘅牛仔骨煲！味道濃郁唔咸，牛仔骨肉質幼嫩，易咬冇筋；茄子腍身得嚟唔會軟爛。⭐️艇妹鮮蝦炒銀針粉 $60上層嘅櫻花蝦，又脆又香口，鹹鮮味十足。銀針粉炒得有鑊氣，唔油膩，仲好足料，鮮蝦大大隻份量都唔少👍🏻⭐️龍鳳檸樂 $12一人一杯龍鳳檸樂，好爽🙆🏽♀️🙆🏼♀️🙆🏻♀️
我地三個女仔一人揀咗個餸再揀個粉💁🏻♀️
⭐️金磚脆豆腐 $68
全部細細粒，一口一粒好過癮，豆腐外皮酥脆，內裡水潤幼嫩，好滑👍🏻
而且豆腐粒炸後有隔好油，表面全沒有多餘油份，乾身唔油膩。
豆腐粒面頭仲有炸蒜同黑芝麻，食落更香口🤤
⭐️三弄脆皮鹹豬手 $148
$148冇諗過份量咁多，睇見都覺得抵食！
呢隻豬手好好食！真係一試便愛上🥰
外皮非常酥脆，做到似燒肉嘅脆皮，香口得嚟唔油膩唔痴牙，又脆又鬆化！
肉質唔鞋唔韌，保持細嫩，而且鹹香十足，好入味。
⭐️XO醬茄子牛仔骨煲 $95未上枱已經聞到香氣十足嘅牛仔骨煲！味道濃郁唔咸，牛仔骨肉質幼嫩，易咬冇筋；茄子腍身得嚟唔會軟爛。
⭐️艇妹鮮蝦炒銀針粉 $60
上層嘅櫻花蝦，又脆又香口，鹹鮮味十足。銀針粉炒得有鑊氣，唔油膩，仲好足料，鮮蝦大大隻份量都唔少👍🏻
⭐️龍鳳檸樂 $12一人一杯龍鳳檸樂，好爽🙆🏽♀️🙆🏼♀️🙆🏻♀️
張貼
