越北牛肉粉

營業中

休息中

位於千色匯商場入面當眼位，裝修企理，價位算係好抵食。晚市套餐，主食連小食 $72，如果要埋個野飲就另加 $10。《生牛肉湯河粉》+ 炸春卷生牛肉既份量適中，有牛味，湯底香，加埋炸蒜片同香料，整體水準唔錯，食完都夠飽。炸春卷感覺一般，正常發揮。《香茅雞扒撈檬》+ 海蜇沙律上菜未食已經口水分泌失調，賣相靚仔又精神，色澤好靚，香茅雞扒真心正，外皮金黃，脆卜卜香茅味出，雞肉嫩滑，表面有炸蒜同蔥，加甜酸汁，拌勻撈起青瓜紅蘿蔔與檬粉，酸爽，清新，魚露鮮味十足，一口香茅雞，一口多料檬粉，惹味又豐富，係相當有驚喜。小食海蜇沙律有西芹紅蘿蔔，海蜇爽口，整體酸酸甜又爽。整體來講滿意，一定有下次。