泰式東王

營業中

休息中

小編同朋友嚟九龍城食好西，唔洗問就肯定食泰國菜啦，街知巷聞黃珍珍小曼谷就唔洗等我嚟介紹啦。呢間小編之前真心完全未聽過，但多人排隊到讓小編就排埋一份😂，心諗裝修普普通通係咪好味啊！點知一試成主顧！青木瓜沙律 7⃣睇相一定覺得好辣係咪？但真心只有譚仔10小辣，青木瓜唔會話太酸反正好味過癮完。-泰式生蝦7⃣呢道真係每次食都必嗌，蝦好大隻肉質都Q彈。特調醬汁差啲成兜啪咗佢，一定要陪蒜片一直食！-鹹魚炒椰菜苗 7⃣椰菜苗鮮嫩度啱啱好，吸收晒鹹魚嘅鹹香。重口味嘅朋友真係唔好錯過，鍾意辣嘅朋友仔可以事先通知！-泰式肉碎生菜包 7⃣豬肉碎當然泰式香料醃製，酸酸辣辣！最鬼啱晒呢啲熱到無晒胃口嘅夏日。-菠蘿炒飯 8⃣每一粒飯粒都食到菠蘿特有甜味，飯上面仲放咗脆口嘅肉鬆，令到個飯口感有更加多層次。