聯華茶餐廳

營業中

休息中

之前喺網上見到一個焗豬扒飯大比拼見到呢間茶餐廳竟然拎咗第一於是今日特登黎會一會佢嘅豬扒飯焗豬扒飯雖然面頭睇落去燶哋但係食落去都冇問題 佢嘅焗飯汁做得幾好唔會太稀唔會太濃 不過有啲失望嘅就係呢個焗豬扒飯竟然無我最愛嘅拉絲芝士 最好味嘅可能係佢嘅豬扒同埋飯底 食得出佢嘅豬扒係炸過嘅亦都好林 飯都係蛋炒飯底另外就叫咗一個茶餐加杯凍奶茶其實都只不過係冇乜特別嘅一個公仔麵不過純粹太懷念香港以前呢啲傳統特色嘅茶餐廳 總括嚟講呢間茶餐廳算係傳統舊式香港嘅茶餐廳 喺上環地段價錢唔算貴大家不妨嚟呢度支持下